ඔහු මේ බව පැවසුවේ පසුගියදා (15) Kandy Falcons සහ Dambulla Sixers අතර තරඟයෙන් අනතුරුව පැවැති ප්‍රවෘත්ති සාකච්ඡාවට එක් වෙමිනි.

“මා මේ දිනවල ගත කරන කාලය ඕනෑම කෙනකුට විය හැකි දෙයක්. ඕනෑම ක්‍රීඩකයකුට වෙන්න පුළුවන් වගේම ඕනෑම මනුෂ්‍යකුටත් වෙන්න පුළුවන්. මට විශාල අභියෝග එනවා. ක්‍රීඩකයකු විදිහට පිටින් එන කරදර බාධක වගේ දේවල් ක්‍රීඩාවට බාධාවක් නොවෙන්න පාලනය කර ගත යුතුයි. මම දන්නවා මා ක්‍රීඩාවට කරපු දේවල්. ක්‍රීඩක‍යෙක් විදිහට ඉදිරියටත් කළ හැකි දේ උපරිම කරනවා. අභියෝග සියල්ල අධ්‍යයනය කරමින් දවසින් දවස ජීවිතයට මුහුණ දෙනවා” වනිඳු හසරංග පැවසීය.

ලංකා ප්‍රිමියර් ලීග් තරඟාවලියේ ඊයේ(16) අවසන් වූ පළමු වටයේ තරඟයත් සමගින් මීලඟ වටය සඳහා සුදුසුකම් ලැබීමේ අවස්ථාව වනිඳු නායකත්වය දරන Kandy Falcons කණ්ඩායමට හැකි විය. Kandy කණ්ඩායම පළමු වටයේ තරඟ 8කට සහභාගීවෙමින්, ඉන් තරඟ 3ක් ජයගනිමින් ප්‍රසාද ලකුණු 6ක් ලබා සිව්වන ස්ථානය හිමි කර ගැනීමට සමත් ව ඇත.