ගංවතුර තත්ත්වය මුළුමනින්ම පහවගිය පසු ඩෙංගු මර්දනය සඳහා වන වැඩපිළිවෙලක් සෞඛ්‍ය අමාත්‍යංශය විසින් දියත් කරන බව සෞඛ්‍ය හා ජනමාධ්‍ය අමාත්‍ය කැබිනට් ප්‍රකාශක වෛද්‍ය නලින්ද ජයතිස්ස මහතා සඳහන් කරයි.
අමාත්‍යවරයා මේ බව පැවසුවේ අද (03) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
ඩෙංගු පැතිරීමේ අවදානම පිළිබඳ සැලකිලිමත් වී ඇතැයිද ඒ සම්බන්ධයෙන් අමාත්‍යංශය තුළ කටයුතු කරන බවද පැවසූ සෞඛ්‍ය හා ජනමාධ්‍ය අමාත්‍යවරයා මේ සඳහා ස්ථිරසාර වැඩපිළිවෙලකට යාමට කියුබානු රජය සමග සාකච්ඡා කරමින් සිටින බවද අවධාරණය කළේය.
මෙය කාලයක් තිස්සේ කතාබහ කරමින් සිට ප්‍රමාදවූ ගැටලුවක් බවද කියුබානු ආධාරයක් ලෙස කීටයෙක් ගෙනැවිත් ඩෙංගු මර්දනයට උදවුකරගැනීමට අපේක්ෂා කරන බවද වැඩිදුරටත් සඳහන් කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
