මේ යටතේ පාරම්පරික ක්‍රීඩා ඉසව් පිළිබඳව දරු දැරියන් ව දැනුවත් කිරීමේ අරමුණෙන් පාරම්පරික ක්‍රීඩා ඉසව් රැසක් ම මෙදින සංවිධානය කර තිබේ. එමෙන් ම වයස අයුරුදු 10 – 15 වයස් කාණ්ඩය සඳහා ළමා සරුංගල් තරගයක් ද පැවැත්වේ. ඊට අමතර ව වයස අවුරුදු 14 – 18 වයස් කාණ්ඩයේ ළමුන් සඳහා මවුන්ටන් බයිසිකල් ශිල්ප දැක්වීමේ තරගයක් ද මෙදින සංවිධානය කර තිබේ.
“සමනල යාය - 2014” ළමා ක්‍රීඩා සැණකෙළිය සඳහා දරු දැරියන් 2500කට අධික සංඛ්‍යාවක් සහභාගීවීමට නියමිත ව ඇත. ඔවුන් සඳහා විවිධ ක්‍රීඩා ඉසව් රැසක් ම මෙදින පැවැත්වේ. ඊට අමතරව දරු දැරියන්ගේ දෙමව්පියන් සඳහා විශේෂ දේශන වැඩසටහනක් ද මෙදින සංවිධානය කර ඇත.
මෙම අවස්ථාවට කොටිකාවත්ත - මුල්ලේරියාව ප්‍රාදේශීය සභා මන්ත්‍රී හේමසිරි අමරසිංහ, අන්තරායක ඹෟෂධ පාලක මණ්ඩලයේ සභාපති ලේෂා ද සිල්වා, කොලොන්නාව ප්‍රාදේශීය ලේකම් යූ.ඩබ්. සේනාරත්න යන මහත්ම මහත්මීන්, දෙමව්පියන් සහ දරු දැරියන් ඇතුළු විශාල පිරිසක් සහභාගීවීමට නියමිත ව ඇත.
HC
