ශ‍්‍රී ලංකාවේ සංවර්ධන ව්‍යාපෘති කඩිනම් කිරීම පිළිබඳව චීනය විශේෂ උනන්දුවක් දක්වන බව ද ලියු ජියන්කාවෝ මහතා පැවසීය.
ලියු ජියන්කාවෝ මහතා මේ බව ප්රකාශ කළේ ශ‍්‍රී ලාංකික හා පාකිස්තානු ජාතික මාධ්‍ය වාර්තාකරුවන් කණ්ඩායමක් චීන විදේශ අමාත්‍යංශයේ දී හමු වූ අවස්ථාවේ දී ය. ශ‍්‍රී ලංකා - චීන දෙරටේ ජනතාව අතර අන්තර් සුහදතා වර්ධනය මෙහි පරමාර්ථය බව ඒ මහතා වැඩි දුරටත් අවධාරණය කළේය.
මෙම මස සිදු කරන චීන ජනාධිපතිතුමාගේ ඓතිහාසික සංචාරයත් සමග සියලු ශී‍්‍ර ලාංකිකයිනට විශාල වශයෙන් ප‍්‍රතිලාභ ලැබෙන ප‍්‍රධාන පෙළේ සංවර්ධන ව්‍යාපෘති පිළිබඳව අවධානය යොමු කරන බව ද හෙතෙම සඳහන් කළේය.
මේ අතර නගර දුම්රිය මාර්ග සංවර්ධනය, වරාය ව්‍යාපෘති සහ හම්බන්තොට දෙවන අදියර පිළිබඳ විශේෂයෙන් සලකා බලන බව ද ඒ මහතා පැවසීය.
චීන විදේශ අමාත්‍යංශ ප්රවෘත්ති දෙපාර්තමේන්තුවේ යැන් ජිඇරොංග් මහතා ද මෙම අවස්ථාවට සහභාගී විය.
NDH/priu
