අනුබුදු මිහිඳු හිමියන්ගේ ලංකා ගමනය සිහිකරමින් සමරන පොසොන් පොහොය නිමිති කරගනිමින් එංගලන්තයේ ෂෙෆීල්ඩ් නගරයේ වෙසෙන ශී‍්‍ර ලාංකේයයන් සංවිධානය කර ඇති පොසොන් පොහොය වැඩසටහන් අද (04) ෂෙෆීල්ඩ් බෞද්ධ මධ්‍යස්ථානයේදී පැවැත් වේ.
උදෑසන බුද්ධ පූජාවෙන් පසු, මෙම මහා පිංකම සඳහා ලංකාවේ කේතුමතී බෞද්ධ සිද්ධස්ථානයෙන් වැඩම කර වූ සංඝයා වහන්සේලාට සංඝගත දක්ෂිණාවක් පිරිනැමේ.
ධර්ම දේශනා, ධර්ම සාකචඡා හා පිරිත් සජ්ඣායනයෙන් අනතුරුව භක්ති ගීත ගායනා වැඩසටහනක්ද පැවැත්වේ. පැමිණෙන බැතිමතුන් සඳහා දිවා බත් දන්සැලක් ද එම පරිශ‍්‍රයේදී සංවිධානය කොට තිබේ.
තම මවු බිමෙන් දුරස්ව වෙසෙන එංගලන්තයේ වෙසෙන ශී‍්‍ර ලාංකේය බෞද්ධ බැතිමතුන් අද පෙරවරු 10.00 සිට පස්වරු 3.00 දක්වා මෙම ආගමික කටයුතුවලට සහභාගී වන බව වාර්තා වේ.
SDF
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
