සෑම වසරකම මැයි මස 02 වැනිදා ජාතික පොත් ප්‍රදර්ශනය පැවැත්වීමට අධ්‍යාපන අමාත්‍යාංශය තීරණය කර ඇති බවත් වැඩකරන ජනතාවගේ දරුවන්ට අධ්‍යාපනය සඳහා අවශ්‍ය පොත් මිලදී ගත හැකි වන සේ කම්කරු දිනය යෙදෙන මැයි 01දාට පසුදින මෙම අධ්‍යාපනික පොත් ප්‍රදර්ශනය පවත්වන බවත් අධ්‍යාපන අමාත්‍ය බන්දුල ගුණවර්ධන මහතා පැවසීය .
අමාත්‍යවරයා මේ බව ප්‍රකාශ කළේ පසුගියදා අධ්‍යාපන අමාත්‍යාංශ පරිශ්‍රයේ දෙවන වරටත් පැවැත්වූ ජාතික අධ්‍යාපනික පොත් ප්‍රදර්ශනයේ ආරම්භක අවස්ථාවට එක් වෙමිනි.
කම්කරු දිනය සැමරීමට කොළඹට පැමිණෙන ග්‍රාමීය වැඩකරන ජනතාවගේ දරුවන්ට අවශ්‍ය පොත් මෙහිදී පහසුවෙන් මිලදී ගැනීමට හැකිවන බවත් එය වැඩකරන ජනතාවගේ දරුවන් වෙනුවෙන් ගත් තීරණයක් බවත් ඇමැතිවරයා සඳහන් කළේය.
සියලු විභාග ඉලක්ක කර ගත් දෙස් විදෙස් පොත් ඇතුළත් පොත් ප්‍රදර්ශනය ලබන 11 වැනි දා දක්වා බත්තරමුල්ල, අධ්‍යාපන අමාත්‍යාංශ පරිශ්‍රයේදී පැවැත්වේ.
NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
