මෙම ප‍්‍රදර්ශනය තුළ කුඩා ව්‍යාපාර සංවර්ධන අංශයේ මූලිකත්වයෙන් ‘Salon B 2’ නමින් ඉතා ආකර්ෂණීය අන්දමින් පැවැත්වීමට කටයුතු යොදා ඇති බව කුඩා ව්‍යාපාර සංවර්ධන අංශයේ අධ්‍යක්ෂ සුධීර ජයරත්න මහතා සඳහන් කළේය.
දිවයින පුරා විසිරී සිටින රූපලාවන්‍ය ශිල්පීන් ඒකරාශී කොට ඔවුන් අතරින් විශේෂ දක්ෂතා ඇති අය සම්මුඛ පරීක්ෂණයක් මඟින් තෝරා මෙම රූපලාවන්‍යාගාරයේ කටයුතු සඳහා යෙදවීමට කටයුතු යොදා ඇති බවත්, ප‍්‍රදර්ශනය නැරඹීමට පැමිණෙන මහජනතාව සඳහා මෙම රූපලාවන්‍යාගාරයෙන් සහන මිලට රූපලාවන්‍ය කටයුතු ඉටු කර ගත හැකි බවත් ඒ මහතා වැඩිදුරටත් ප‍්‍රකාශ කළේය.
මෙම රූපලාවණ්‍යාගාරය අන්තර්ජාතික මට්ටමේ සියලු අංගෝපාංගයන්ගෙන් ද, සියලු පහසුකම්වලින් ද අනූන වන අතර, මෙය ශ‍්‍රී ලාංකීය තරුණ තරුණියන්ට ලැබෙන මහඟු අවස්ථාවක් බැවින්, මෙම අවස්ථාවට ඇරයුම් කරන බව ද අධ්‍යක්ෂවරයා සඳහන් කර සිටියේ ය.
DB
