ඒ අනුව පෙරහැර සංවිධානය හා පූජා පැවැත්වීමේ කටයුතු සංවිධානය කර ගැනීම සඳහා වන සාකච්ජාව ලබන 29 දින පස්වරු 2.30ට රත්නපුර දිස්ත්‍රික් ලේකම් කාර්යාලයිය ශ්‍රවණාගාරයේදී පැවැත්වීමට කටයුතු යොදා ඇත.
මෙම සාකච්ඡාව ශ්‍රී පාදස්ථානාධිපති අති පූජ්‍ය බෙංගමුවේ ධම්මදින්න නායක ස්වාමීන් වහන්සේගේ ප්‍රධානත්වයෙන් පැවැත්වීමට පියවර ගෙන ඇති බව රත්නපුර දිස්ත්‍රික් ලේකම් සුනිල් කන්නන්ගර මහතා පවසයි.
එමෙන්ම පසුගිය වන්දනා වාරවලදී සධාතුක කරඬුව හා දේව ප්‍රතිමාව ආපසු වැඩම කරවීමේ රිය පෙරහැර උසස් අන්දමින් පිළිගෙන පෙරහැරට උපහාර දැක්වීමෙන් ලබා දුන් අනගි සහයෝගය කෘතවේදීව අගය කරන බවද දිස්ත්‍රික් ලේකම් වරයා සඳහන් කරයි.
මෙම සාකච්ජාවට මහා සංඝරත්නයද අදාළ රාජ්‍ය ආයතන හා දෙපාර්තමේන්තු ප්‍රධානීන්, රාජ්‍ය නිලධාරීන් හා ග්‍රාම සේවා නිලධාරීන් විවිධ සංවිධානවල නියෝජිතයින් සහභාගි වන බව රත්නපුර දිස්ත්‍රික් අප මාධ්‍ය ඒකකය සඳහන් කරයි.
ECB/SW/NR/KM_dmu_ratnapura
