මුතූර් සිංහල මහා විද්‍යාලයේ තූර්යවාදක කණ්ඩායම සඳහා තූර්යවාදක උපකරණ කට්ටලයක් ලබා ගැනීම සඳහා ආර්ථික සංවර්ධන නියෝජ්‍ය අමාත්‍ය සුසන්ත පුංචිනිලමේ මහතා විසින් පසුගියදා රුපියල් ලක්ෂයක මුදලක් පරිත්‍යාග කරනු ලැබීය.
මෙම මුදල් පරිත්‍යාගය සිදු කෙරුණේ පසුගියදා එම විද්‍යාලයේදී පැවති සිංහල හා හින්දු අලුත් අවුරුදු උත්සවයේ ප්‍රධාන ආරාධිතයා ලෙස එක් වෙමිනි. විවිධ සංස්කෘතික අංග රැසකින් සමන්විතව සියලු ම ජාතීන්ගේ එකමුතුවෙන් මෙම විද්‍යාලය මගින් සංවිධානය කර තිබූ අවුරුදු උත්සවය පවත්වන ලදී.
මෙම අවස්ථාවට මුතූර් එක්සත් ජනතා නිදහස් සන්ධානයේ සංවිධායක ජෙයිනුදීන් අමීර්, මුතූර් කලාප අධ්‍යාපන අධ්‍යක්ෂ ඒ. විජයානන්ද, මුතූර් සිංහල මහා විද්‍යාලයේ විදුහල්පති රොෂාන් ජගත් කුමාර යන මහත්වරු ඇතුළු ප්‍රදේශවාසීන් රැසක් එක්ව සිටියහ.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
