ඒ මඟින් උතුරු පළාතේ ජනතාවගේ ජීවන මට්ටම ඉහළ තත්ත්වයකට ගෙන ඒමට හැකියාව ලැබී තිබෙන බවද එම අමාත්‍යංශය සඳහන් කරයි.
පසුගිය යුද්ධයෙන් පසු කඩා වැටී තිබූ උතුරු පළාතේ සුළු හා මධ්‍ය පරිමාණ කර්මාන්තයන් අමාත්‍යවරයාගේ විශේෂ උනන්දුව මත මේ වන විට නැවතත් සංවර්ධනය වෙමින් පවතින අතර මේ සඳහා හස්ත කර්මාන්ත ශිල්පීන්ගේ සමිති සමාගම් රැසක්ද බිහිවෙමින් පවතී.
ඒ අනුව දැනට ක්‍රියාකාරී සමිතියක් වන උතුරු පළාතේ අත්කම් භාණ්ඩ සංවර්ධන සමිතියට පසුගිය දින අමාත්‍ය දේවානන්දා මහතා විසින් රුපියල් ලක්ෂ 2ක ආධාර මුදලක් ලබා දෙන ලදී. මෙම අවස්ථාවේදී එම සමිතියේ නිලධාරීන් ඇමතූ අමාත්‍යවරයා දැනට මෙම සමිතියේ සංවර්ධනය සඳහා මෙම මුදල ලබාදෙන බවත්, ඉදිරියේදී සමිතිය විසින් ක්‍රියාත්මක කරන සැලසුම් අනුව අවශ්‍ය ආධාර ලබාදෙන බවත් ප්‍රකාශ කළේය.
මෙම අවස්ථාවට ජාතික ශිල්ප සභාවේ යාපනය දිස්ත්‍රික් අධ්‍යක්ෂක නවදර්ශන් මහතා ද සහභාගී විය.
DB
