සැප්තැම්බර් 19, 2021
tami eng youtube  twitter facebook

    ලංකා බැංකුව සිය ඉතිහාසයේ එක් කාර්තුවක් සඳහා වූ ඉහළම ලාභයක් උපයයි -රජයේ මුදල් පිළිබඳ කාරක සභාවේ අවධානයට ලක්වෙයි.

    අගෝස්තු 03, 2021

    ලංකා බැංකුව, 2021. 04.30 දක්වා පළවෙනි කාර්තුව තුළ රු.මි. 19,656 බදුරහිත ආදායමක් උපයා ඇති බව පසුගියදා (30) පාර්ලිමේන්තුවේදී පාර්ලිමේන්තු මන්ත්‍රී අනුර ප්‍රියදර්ශන යාපා මහතාගේ සභාපතිත්වයෙන් පැවති රජ‍යේ මුදල් පිළිබඳ කාරක සභාවේදී අනාවරණය විණි.

    මීට සාපේක්ෂව 2019 වර්ෂයේදී එම බැංකුව රු.මි. 29,685 ක වාර්ෂික ලාභයක් උපයා ඇති අතර 2020 වසරේදී වාර්ෂිකව උපයා ඇති ලාභය රු.මි. 23,552ක් බවද මුදල් අමාත්‍යංශය විසින් 2021 වසර මැද තත්ත්ව වාර්තාව රජයේ මුදල් පිළිබඳ කාරක සභාවට ඉදිරිපත් කළ අවස්ථාවේදී අවධානයට ලක්විණ.

    කොවිඩ් 19 වාතාවරණය මධ්‍යයෙහි දේශීය බැංකුවක් විසින් මෙම ලාභය ඉපයීම රාජ්‍ය අමාත්‍ය සුසිල් ප්‍රෙම්ජයන්ත මහතා විසින් ඇගයීමට ලක් කෙරුණු අතර එහිදී පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පෙන්වා දුන්නේ අසීරුකාරී ගෝලීය තත්ත්වයකදී රාජ්‍ය බැංකුවක් විසින් ලාභ ඉපයීමෙහි වාසි දක්නට ඇතද සිය පාරිභෝගිකයන් අතිශය පීඩාවකට මුහුණ දී සිටියදී ඔවුන්ට සහන ලබ‍ාදීමටද බැංකුව විසින් කටයුතු කළයුතු බවය.

    මීට අමතරව, 2002 අංක 14 දරන එකතු කළ අගය මත බදු පනත ප්‍රකාරව රජය විසින් 2017.10.26 දිනැති අංක 1ක 2042/21 දරන ගැසට් නිවේදනය සංශෝධනය කිරීම සඳහා ඉදිරිපත් කිරීම සඳහා ඉදිරිපත් කරන ලද 2228/833 හා 2021.02.20 දිනැති ගැසට් නිවේදනයටද පසුගියදා රජයේ මුදල් පිළිබඳ කාරක සභාවේදී අනුමැතිය හිමිවිණ. මාර්ගස්ථ ක්‍රමයට පැවති මෙම රජයේ මුදල් පිළිබඳ කාරක සභාව සඳහා මුදල් අමාත්‍යංශ සහ භාණ්ඩාගාර ලේකම් එස්. ආර් .ආටිගල මහතා ,ආර්ථික ප්‍රකිපත්ති හා සැලසුමි ක්‍රියාත්මක කිරීමේ අමාත්‍යංශ ලේකම් අනූෂ පැල්පිට, ප්‍රාථමික සෞඛ්‍ය සේවා,වසංගත රෝග හා කොව්ඩ් රෝග පාලනය පිළිබඳව රාජ්‍ය අමාත්‍යංශයේ ලේකම් සුනේත්‍රා ගුණවර්ධන මහත්මිය ඇතුළු රාජ්‍ය නිලධාරීහු රැසක් සහභාගී වූහ.

    පසුගියදා පාර්ලිමේන්තුවේදී පැවති රජයේ මුදල් පිළිබඳ කාරක සභාවට සභාපති පාර්ලිමේන්තු මන්ත්‍රී අනුර ප්‍රියදර්ශන යාපා මහතා, රාජ්‍ය අමාත්‍ය සුසිල් ප්‍රෙම්ජයන්ත මහතා ,රාජ්‍ය අමාත්‍ය ආචාර්ය නාලක ගොඩහේවා, පාර්ලිමේන්තු මන්ත්‍රී ආචාර්ය හර්ෂ ද සිල්වා සහ , පාර්ලිමේන්තු මන්ත්‍රී කුමාර වෙල්ගම මහතා සහභාගීව සිටියහ.

    340x250

    නවතම පුවත්

    dgi log front

    electionR2sin

    recu

    Desathiya