ශ්‍රී ලංකාවේ ළමා පරපුර ගෝලීයකරණයත් සමඟ විවිධ අභියෝගයන්ට හසු වීම නිසා විවිධ ව්‍යසනකාරී තත්ත්වයන් හට මුහුණ දීම වර්ධනය වී ඇත. වර්තමානය වන විට වර්ධනය වී ඇති ළමා අපයෝජන හා ළමයින් විසින් සිදු කරගනු ලබන අන්තර්ජාලය හා මාධ්‍ය භාවිතයේ අනිසි ප්‍රතිවිපාක තුළින් දරුවන්ගේ ජිවිත විනාශ වීම් හා බිලි ගැනීම් සිදුවේ.
වයඹ ප්‍රධාන අමාත්‍යවරයාගේ උපදෙස් පරිදි ප්‍රධාන අමාත්‍යංශය හා ප්‍රධාන අමාත්‍ය කාර්යමණ්ඩලය විසින් දරුවන්ට සුන්දර ළමා වියක් ඇති කිරීම සඳහා ප්‍රජාවේ සියලු ම ක්ෂේත්‍රයන් සංවේදී කිරීමේ වැඩසටහනක් පැවැත්වීමට සැලසුම් කර ඇත.
ආගමික නායකයින්, දේශපාලනඥයින්, දෙමාපියන්, ගුරුවරුන්, රාජ්‍ය නායකයින් හා ත්‍රිවිධ හමුදා නිලධාරීන් ඇතුළු සමාජ ක්‍රියාකාරීන් මෙම තත්ත්වය කෙරෙහි සංවේදී කිරීම සඳහා විශ්වවිද්‍යාල ආචාර්යවරු, මනෝවෛද්‍යවරු, මනෝවිද්‍යා උපදේශන නිලධාරීන්, ජන මාධ්‍ය ක්ෂේත්‍රයේ ප්‍රවීණයන් හා නීති ක්ෂේත්‍රයේ දේශක මඬුල්ලකගේ දායකත්වය යටතේ එය පැවැත්වේ.
ECB
