'රට වෙනුවෙන් එකට සිටිමු' ජාතික වැඩසටහන යටතේ පුත්තලම දිස්ත්‍රික්කයේ ග්‍රාමීය ආර්ථිකය සවිබල ගැන්වීම වෙනුවෙන් මාදම්පේ, නාත්තන්ඩිය, මුන්දලම,ආණමඩුව ප්‍රදේශීය ලේකම් කොට්ඨාස ඉලක්ක කර ගනිමින් මල් වගා කිරීමේ විශේෂ ව්‍යාපෘතියක් ඇරඹුණි.
ප්‍රදේශයෙ ග්‍රාමීය ජනතාව මූලික කර ගනිමින් මෙම මල් වගා කිරීමේ විශේෂ ව්‍යාපෘතිය මෙම මස මාර්තු 18වන දින සිට 22 දක්වා ජාතික උද්හිත උද්‍යාන දෙපාර්තමේන්තුවේ මූලිකත්වයෙන් ක්‍රියාත්මක වේ.
ග්‍රාමීය ජනතාව ස්වං ආර්ථික කටයුතු සදහා යොමු කර ග්‍රාමීය ආර්ථිකය සවිබල ගැන්වීම සදහා උනන්දු කරවමින් මල් වගාව සදහා සුදුසු භූමි හඳුනා ගනිමින් මල් වර්ග හඳුන්වාදීම සිදු කරයි.
මීට අමතරව මල් වගා කිරීම සදහා සුදුසු තාක්ෂණික දැනුම ලබා දීමත් මෙම වැඩසටහන මගින් සිදු කරයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
