මාගම්පුර ව්‍යවසාය 2018 අලෙවි ප්‍රදර්ශනය ලෙස නම්කර තිබූ මෙය දිස්ත්‍රික්කය පුරා විසිරී සිටින කුඩා හා මධ්‍ය පරිමාන ව්‍යවසායකයින් දිරිමත් කිරීම සදහා සෑම වසරක් පාසා පැවැත්විණි.
එම ව්‍යවසායකයින්ට දැනුම අවබෝධය ලබා දෙමින් ඔවුන්ට හොද වෙළද පොලක් සකසා දීමද තවත් අරමුණක් බව හම්බන්තොට දිස්ත්‍රක් කුඩා ව්‍යාපාර සංවර්ධන අංශයේ සහකාර අධ්‍යක්ෂිකා ප්‍රීම් රෝස් මහත්මිය පැවසුවාය.
අවසන් දින මෙම ප්‍රදර්ශනය නැරඹීම සදහා හම්බන්තොට දිස්ත්‍රක් ලේකම් එම්.කේ.බන්දුල හරිස්චන්ද්‍ර මහතා ද එක්විය.එම ව්‍යාපාරිකයින් සමග කතාබහ කරමින් ඔවුන්ගේ නිෂ්පාදන ක්‍රියාවලීන් ගැනද කරුණු විමසීය.මෙම අවස්ථාව සදහා සහකාර අධ්‍යක්ෂිකා ප්‍රීම් රෝස් මහත්මිය හා කුඩා ව්‍යාපාර සංවර්ධන අංශයේ නිලධාරීන් පිරිසක්ද එක්විය.
දිස්ත්‍රික් මාධ්‍ය ඒකකය - හම්බන්තොට -
