බේරුවල හෙට්ටිමුල්ල මරදාන පරණ කඩේ සහ මුල්ලපිටිය යන ප්‍රදේශවල ඉදිකරන ලද මෙම ගොඩනැගිලි සඳහා වැය කළ මුදල රුපියල් ලක්ෂ 75 කට අධික වෙයි. බේරුවල හෙට්ටිමුල්ල සහ මුල්ලපිටිය බහුකාර්ය ගොඩනැගිලි ඉදිකිරිම සඳහා ඉඩම් ලබා දී ඇත්තේ පරිත්‍යාගශීලීන් විසිනි.
ශ්‍රී ලංකාවේ නඩුවලින් සියයට 85 ක්ම තිබෙන්නේ ඉඩම් නඩු බවත් ඉඩම් හේතුවෙන් මරණ මෙන්ම ශාරීරික පීඩා ද සිදු වන අතර ම සහෝදර සහෝදරියන් පමණක් නොව දෙමාපියන් ද ඉඩම් හේතුවෙන් මරා ගන්නා යුගයක් නිර්මාණය වී තිබෙන කාලයක පොදු කටයුත්තක් සඳහා ඉඩම් පරිත්‍යාග කිරීම ඉතාම වැදගත් බව මෙම බහුකාර්ය ගොඩනැගිලි විවෘත කිරීමෙන් පසු පැවැති රැස්වීම්වල දී සෞඛ්‍ය අමාත්‍යවරයා පැවසීය.
