මෙම විශේෂ දෙසතියක කාලය තුළ දැනුවත් කිරීමේ වැඩසටහන් පැවැත්වෙන අතර, ජාතික මට්ටමේ සිට ග්‍රාමීය මට්ටම දක්වා සිදු විය යුතු පූර්ව සූදානම හා ප්‍රතිචාර දැක්වීම පිළිබඳව මෙන්ම හදිසි ආපදා තත්ත්වයකදී ක්‍රියා කළයුතු ආකාරය පිළිබඳව ප්‍රායෝගිකව ජනතාව දැනුවත් කිරීම මෙම වැඩසටහනේ මූලික අරමුණ වේ.
පසුගිය දෙවසරක දත්ත උපයෝගී කර ගනිමින්, මෙවර නිරිත දිග මෝසම් සක්‍රය වීම තුළ අවධානමට ලක් විය හැකි දිස්ත්‍රික්ක 11ක් පූර්වේක්ෂණය කර ඇති අතර, මෙම දිස්ත්‍රික්කයන්හි ග්‍රාමසේවා වසම් කේන්ද්‍ර කර ගනිමින් මෙම විශේෂ දෙසති දැනුවත් කිරීමේ වැඩසටහන ආපදා කළමනාකරණ මධ්‍යස්ථානයේ මූලිකත්වයෙන් හා අනිකුත් සම්පත් දායකයින්ගේ සහභාගීත්වයෙන් ක්‍රියාත්මක කෙරේ.
