මේ වර්ෂයට යෙදී තිබූ ශ්‍රී බු.ව.2562 රාජ්‍ය වෙසක් උත්සවයට සමගාමිව ඌන සංවර්ධිත විහාරස්ථාන සහ දහම්පාසල් නඟාසිටුවීමේ ව්‍යාපෘතිය යටතේ බුද්ධශාසන අමාත්‍ය ගාමිණී ජයවික්‍රම පෙරේරා මහතා විසින් මෙම මුදල් වෙන් කර තිබේ.
ආසන මට්ටමින් දියත් කෙරෙන මෙම ව්‍යාපපෘතියේ නිකවැරටිය ආසනයේ රස්නායකපුර ප්‍රාදේශීය ලේකම් කොට්ඨාසයේ සුදුසුකම්ලත් විහාරස්ථාන 18ක් ඊයේ (10) වයඹ පළාත් සහා මන්ත්‍රී අසංක පෙරේරා මහතාගේ අධීක්ෂණයට ලක්විය.
මෙම අධීක්ෂණ චාරිකාවට බුද්ධශාසන අමාත්‍ය සම්බන්ධිකරණ ලේකම් සුරංග ප්‍රභාත්, රස්නායකපුර ප්‍රාදේශීය ලේකම් කාර්යාලයේ බෞද්ධ කටයුතු සම්බන්ධිකරණ නිලධාරිනී W.M.C වික්‍රමසිංහ මහත්මිය ඇතුළු තවත් පිරිසක් එක්ව සිටියහ.
