ආපදා කළමනාකරණ අමාත්‍ය අනුර ප්‍රියදර්ශන යාපා මහතා ඉදිරිපත් කළ යෝජනාවක් සැලකිල්ලට ගනිමින් දිස්ත්‍රික්ක 25ම ආවරණය වන පරිදි, එකවර පුද්ගලයින් 100ත් 200ත් අතර සංඛ්‍යාවක් රැඳවිය හැකි රැඳවුම් මධ්‍යස්ථාන 100ක් 2018 - 2020 කාලසීමාව තුළ දිවයින පුරා ඉදි කිරීම සිදු කෙරෙනු ඇත.
ආගමික ස්ථාන සහ පාසල් ගොඩනැඟිලි දැනට තාවකාලික රැඳවුම් මධ්‍යස්ථාන වශයෙන් බහුලව භාවිත කරනු ලබන අතර ඒවායේ පහසුකම් ප්‍රමාණවත් නොවීමත්, පාසල් ගොඩනැඟිලි යොදා ගැනීම පාසල් සිසුන්ගේ අධ්‍යාපන කටයුතුවලට අහිතකර ලෙස බලපෑමත් හේතුවෙන් මෙලෙස රැඳවුම් මධ්‍යස්ථාන ඇතිකිරීමට හේතු වී ඇත.
