මල් අලෙවි මධ්‍යස්ථානයක් සහ ප්‍රදර්ශනාගාරයක් ඉදිකිරීමට අවශ්‍ය සැලැසුම් පිළිබඳව මෙහිදී සාකච්ඡාවට ලක් කෙරිණි. ඒ අනුව අදාළ මධ්‍යස්ථානය ඉදිකිරීම සඳහා ලබන මැයි මස මුල්ගල තැබීමට යෝජනා විය. නුවරඑළිය ගොල්ෆ් ක්‍රීඩාංගණය ආසන්නයේ මෙය ඉදිකිරීමට යෝජිත අතර නුවරඑළිය නගර සභාව විසින් අදාළ බිම් කොටස වෙන් කොට දී තිබේ. මේ මඟින් මේ මල් වගාකරුවන්ට ඍජුව සිය ඵලදාව ජාතික සහ ජාත්‍යන්තර වෙළෙඳපොළට සපයාදීමට අවස්ථාව හිමිවන අතර ඍජු හා වක්‍ර රැකියා රැසක්ද ඒ හරහා නිර්මාණය වේ.

නුවරඑළිය දිස්ත්‍රික්කය පුරා මල් වගාකරුවන් 250කට අධික පිරිසක් සිය වගාකටයුතු සිදුකරමින් සිටිති. මෙම මල් සහ පැළ තවාන් ජාතික සහ ජාත්‍යන්තර වෙළෙඳපොළ වෙත යොමු කිරීමේ පැහැදිලි ක්‍රියාවලියක් මේ වනතෙක් හඳුනාගෙන නොතිබුණි. මේ නිසා නුවරඑළිය දිස්ත්‍රික්කයේ මල් වගාකරුවන් සහ කුඩා ව්‍යාපාරිකයන්ගේ සමූපකාර සමිතිය විසින් අතිගරු ජනාධිපතුමා වෙතින් කළ ඉල්ලීමකට අනුව ආර්ථික සංවර්ධන අමාත්‍ය බැසිල් රාජපක්ෂ මහතාගේ උපදෙස් පරිදි ජාතික කුඩා ව්‍යාපාර සංවර්ධන වැඩසටහන යටතේ දිවි නැඟුම ජාතික වැඩසටහනට සමගාමීව මේ වැඩපිළිවෙළ ක්‍රියාත්මක වේ.

NDH/SH-dmu Nuwaraeliya