"දැයට කිරුළ" ජංගම සේවාවල දී හඳුනාගත් අඩු ආදායම්ලාභී පවුල් සඳහා දැරණියගල මැතිවරණ කොට්ඨාසයේ ග්‍රාමසේවා වසම් මට්ටමෙන් නිවාස සාදා දීමේ වැඩසටහන මේ වනවිට අවසන් වී ඇති බව පශු සම්පත් හා ග්‍රාමීය ප්‍රජා සංවර්ධන නියෝජ්‍ය අමාත්‍ය එච්.ආර්. මිත්‍රපාල මහතා පවසයි.
එම නිවාස හිමිකරුවන් වෙත භාරදීමේ අවස්ථාවට ප්‍රධාන ආරාධිතයා ලෙස සහභාගී වෙමින් ඒ මහතා මේ බව සඳහන් කළේය.
මෙම එක් නිවසක් සඳහා ආර්ථික සංවර්ධන අමාත්‍යාංශය විසින් රුපියල් හැට දහසක් ලබා දී තිබෙන අතර ප්‍රජාවගේ ද දායකත්වය මේ සඳහා ලබා ගෙන ඇත.දැරණියගල මැතිවරණ කොට්ඨාසය දැරණියගල හා දෙහිඕවිට යන ප්‍රාදේශීය ලේකම් කොට්ඨාසවල ග්‍රාම සේවා වසම් 49 කින් සමන්විත වන අතර, ඉන් දැරණියගල ප්‍රාදේශීය ලේකම් කොට්ඨාසයේ ග්‍රාමසේවා වසම් 23 හි නිවසවල අයිතිය හිමිකරුවන් වෙත බාර දීම පසුගිය දා සිදු කෙරිණි.
ECB/LT_dmu_kegalle
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
