රුපියල් මිලියන 250ක මුදලක් මේ සඳහා ඇස්තමේන්තු කර ඇති අතර, ආර්ථික සංවර්ධන අමාත්‍යංශයේ ප්‍රතිපාදන යටතේ මෙම ව්‍යාපෘතිය ක්‍රියාත්මක කෙරේ. මෙහි දැනට පවතින පාලම ඉංග්‍රීසි පාලන සමයේ ඉදිකරන ලද්දකි. එසේම මෙම පාලම අවුරුදු 100 කට වඩා පැරණි අතර, වාහන දෙකක් එකවර මාරු වීම ද අසීරු කටයුත්තකි.
මේ හේතුවෙන් මාර්ගය භාවිත කරන කුරුණෑගල හා කෑගල්ල දිස්ත්‍රික් දෙකේ ජනතාව දැඩි දුෂ්කරතාවයන්ට මුහුණ පා සිටියහ. අභිනව පාලම ජනතා අයිතියට පත් වීමෙන් පසු එම අපහසුතාවය මුළුමනින් ම අවසන් වන අතර, දිස්ත්‍රික් දෙකේ ජනතාවට ඉතා පහසුවෙන් ගමන් කිරීමේ හැකියාව ලැබෙනු ඇති බව ව්‍යාපෘති කළමණාකාර ඉංජිනේරුවරයා වැඩිදුරටත් පැවසීය.
ECB/LT_dmu_kegalle
