මහින්ද රාජපක්ෂ ජනාධිපතිතුමා 2005 වසරේ බලයට පත්වන විට 14%ක් වූ අනුරාධපුර දිස්ත‍්‍රික්කයේ විදුලි පහසුකම් මේ වන විට 98% දක්වා ඉහළ මට්ටමකට පත් ව ඇති බව ද අමාත්‍ය සමරකෝන් මහතා ප‍්‍රකාශ කර සිටියේ ග‍්‍රාමීය විදුලි යෝජනා ක‍්‍රම තුනක් ජනතා අයිතියට පත් කරමිනි.
අනුරාධපුර, කලාවැව මැතිවරණ කොට්ඨාසයේ රුපියල් දෙකෝටි හැටපන් ලක්‍ෂයක (265,000.00) වියදමෙන් මෙම ග‍්‍රාමීය විදුලි යෝජනා ක‍්‍රම තුන නිම කොට තිබේ.
විවෘත කෙරුණු කලංකුට්ටිය ගල්කෙම විදුලි යෝජනා ක‍්‍රමය වෙනුවෙන් රුපියල් ලක්‍ෂ සියයක් ද රාජාංගනය යාය 14 විදුලි යෝජනා ක‍්‍රමය වෙනුවෙන් රුපියල් ලක්‍ෂ අසූපහක් ද රාජාංගනය යාය 08 විදුලි යෝජනා ක‍්‍රමය වෙනුවෙන් රුපියල් ලක්‍ෂ 80ක් ද වැය වී තිබේ.
වසර පනහක පමණ කාලයක සිට විදුලි බලය නොමැතිව අසීරුතාවට පත් ව සිටි ගොවි පවුල් එකසියහතළිස්හතරකට මෙමගින් සෙත සැලසේ.
UM/UW/WG
