කොළඹ නගර සභාවේ ජන සෞඛ්‍ය දෙපාර්තමේන්තුව විසින් මෙම උත්සවය සංවිධානය කරනු ලැබ තිබුණි. මෙහිදී කොළඹ නගරයේ පවතින හෝටල්, ආපන ශාලා සහ බේකරි අතරින් විශිෂ්ට තත්ත්වයේ පවතින ව්‍යාපාර 90 වෙත සම්මාන ප‍්‍රදානය කිරීම සිදු විය.
කොළඹ නගරයේ හොඳම හෝටල්, බේකරි සහ ආපන ශාලා ඇගයීම වෙනුවෙන් මෙම සම්මාන ප‍්‍රදාන උත්සවය 2007 වසරේ ආරම්භ විය. මෙවර සම්මාන ප‍්‍රදානය පැවැත්වූයේ 7 වන වරටය.
මෙම අවස්ථාවට නගරාධිපති ඒ.ජේ.එම්. මුසම්මිල්, උප නගරාධිපති ටයිටස් පෙරේරා, කොළඹ නගර සභාවේ ජන සෞඛ්‍ය දෙපාර්තමේන්තුවේ ප්‍රධාන වෛද්‍ය නිලධාරි ප්‍රදීප් කාරියවසම් යන මහත්වරු ඇතුළු විශාල පිරිසක් සහභාගී වූහ.
DB
