දිසාපතිනිය මේ අදහස් ප්‍රකාශ කළේ පසුගියදා මාතලේ දිස්ත්‍රික් ලේකම් කාර්යාලයීය ශ්‍රවණාගාරයේ පැවති දිස්ත්‍රික් සම්බන්ධීකරණ කමිටු රැස්වීමට සහභාගි වූ අවස්ථාවේදීය.
දිස්ත්‍රික්කයේ බීළූණු බීජ හිඟයක් පැවතීමට ප්‍රධාන හේතුව වන්නේ මෙවර බීළූණු බීජ වගා කිරීමට ඉදිරිපත් වූ ගොවීන්ගේ සංඛ්‍යාව අඩුවීමයි. ඊට පිළියමක් ලෙස දැනට ඉන්දියාවෙන් බීළූණු බීජ කිලෝ ග්‍රෑම් 100ක් ආනයනය කර 50%ක දායකත්ව පදනම මත ගොවීන් අතර බෙදාදීමට කටයුතු කළ බවත් බීළූණු ගොවීන් සඳහා දැනටමත් ආනයනික බීජ රුපියල් 3889.00ක් වැනි මුදලකට මිලදී ගැනීමට පහසුකම් සලසා ඇති බවත් දිසාපතිවරිය සඳහන් කළාය.
මෙවර යල කන්නය සඳහා දඹුල්ල, කිබිස්ස,ලග්ගල සහ විල්ගමුව ප්‍රදේශවල වගා කර ඇති ලොකු ළූණුුවලින් මෙට්ට්‍රික් ටොන් ලක්ෂයක ඵලදාවක් තමා බලාපොරොත්තු වන බවත් දිසාපතිතුමිය වැඩිදුරටත් සදහන් කළාය.
කර්මන්ත හා වාණිජ කටයුතු නියෝජ්‍ය අමාත්‍ය ලක්ෂ්මන් වසන්ත පෙරේරා මහතාගේ ප්‍රධානත්වයෙන් පැවති මේ රැස්වීම සඳහා දිස්ත්‍රික්කයේ අනෙකුත් දේශපාලන නායකයන් සහ රජයේ නිලධාරීහු සහභාගී වූහ.
NDH/GNK-ISB-dmu matale
