ජිනීවා සමුළුව හරහා මෙරටට එල්ල වන සතුරු බලවේග පරාජය කොට මව්බිම රැක ගැනීමේ අරමුණින් ජය පිරිත් දෙසුමක් සහ අධිෂ්ඨාන පූජාවක් පැවැත්වීමට මහනුවර දිසා ශාසනාරක්ෂක මණ්ඩලය කටයුතු යොදා තිබේ.
මහනුවර දිස්ත්‍රික්කයේ සියලුම ප්‍රාදේශීය ශාසනාරක්ෂක මණ්ඩලවල සහභාගීත්වයෙන් පැවැත්වෙන මෙම ආශිර්වාදය පළ කිරීම ලබන 26 දින පස්වරු 4.30ට මහනුවර ශ්‍රී දළදා මාලිගාව අභියස මහ මළුවේදී පැවැත්වීමට නියමිතය.
"ජිනීවා සමුළුව හරහා අපේ රටට එල්ල වන සතුරු බලවේග පරදවා මව්බිම රැක ගනිමු" යන්න තේමා කරගනිමින් මෙය පැවැත්වේ. මේ සඳහා අතිපූජ්‍ය මහා සංඝරත්නය පෙරටු කොට ගත් විශාල ගිහි පිරිසක්ද සහභාගී වීමට නියමිත බව මහනුවර අප දිස්ත්‍රික් මාධ්‍ය ඒකකය පවසයි.
NDH/TA-dmu Kandy
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
