2014 වර්ෂය සදහා වෙන්කර ඇති මෙම සියලු මුදල් ප‍්‍රතිපාදන මේ වන විටත් දිස්ත‍්‍රික්කය සදහා ලැබී ඇති බව කළුතර දිස්ත‍්‍රික් ක‍්‍රම සම්පාදන කාර්යාලය පවසයි.
ගම නැඟුම, ග‍්‍රාමීය පාසල් නගාසිටුවීම, දිවිනැඟුම, සුළු වාරිමාර්ග, පළාත් නැඟුම, විමධ්‍යගත අයවැය වැඩ සටහන, එක් ගමකට එක් වැඩක් හා මහජන නියෝජිතයන්ගේ විශේෂ යෝජනා යන අංශ යටතේ මෙම ව්‍යාපෘති ක‍්‍රියාත්මක වීමට නියමිතය.
මෙම සියලු මුදල් ප‍්‍රතිපාදන 2014 වර්ෂය තුළ වැය කිරීමට අවශ්‍ය ව්‍යාපෘති කඩිනමින් සකසා ඉදිරිපත් කරන ලෙස ආර්ථික සංවර්ධන අමාත්‍යංශය සියලු රාජ්‍ය ආයතන සඳහා උපදෙස් ලබා දී තිබේ.
මේ සඳහා අදාළ ව්‍යාපෘති ඇස්තමේන්තු දැනටමත් සකස් කරමින් පවතින අතර සමහර ව්‍යාපෘති ආරම්භ කර ඇත.
මෙම මුදල් ප‍්‍රතිපාදනවලට අදාළ ව්‍යාපෘති සියල්ලම මෙම වර්ෂය තුළ අවසන් කිරීමට කටයුතු කරන බව කළුතර දිස්ත‍්‍රික් ලේකම් යූ.ඩී.සී. ජයලාල් මහතා පවසයි.
MAP/WMS_dmu_kalutara
