දිස්ත්‍රික් ලේකම්වරයා මේ බව පැවසුවේ පසුගියදා අනුරාධපුර පූජා ප්‍රදේශ සැලසුම් කමිටු සාකච්ඡාවට එක් වෙමිනි. එහිදී පූජා නගරය හා ඒ අවට ප්‍රදේශ සැලසුම් සහගතව පවත්වා ගැනීම පිළිබඳව දීර්ඝව සාකච්ඡා කෙරිණි.
රැස්වීමට කරුණු ඉදිරිපත් කළ භෞතික සැලසුම් අධ්‍යක්ෂ ජනරාල්වරයා විසින් පූජා නගරය පිළිබඳව ඒ මහතාගේ නව සැලසුම් කිහිපයක් එහිදී ඉදිරිපත් කරන ලද බව අප අනුරාධපුර දිස්ත්‍රික් මාධ්‍ය ඒකකය පවසයි. රථගාල් සංවර්ධනය, ලෝවාමහපාය අසල පොහොය ගෙයක් නිර්මාණය කිරීම, පූජා නගර සීමා ද්වාර හතරක් ඉදිකිරීම ආදී යෝජනා රැසක් ඒ අතර විය. මේ සියල්ල සඳහා වන ප්‍රතිපාදන වෙන් කිරීම් පිළිබඳව ඉදිරියේ දී අදාළ බලධාරීන් දැනුවත් කරන බව අනුරාධපුර දිස්ත්‍රික් ලේකම්වරයා වැඩිදුරටත් පැවසීය.
ECB/SB dmu_Anuradhapura
