සම්බුදු තෙමඟුල සමරන මෙම වෙසක් සමයේ රත්නපුර ගල්ලෑල්ල, ශ්‍රී නිග්‍රෝධාරාම විහාරස්ථානයේදී කපිල වස්තු ශ්‍රී සර්වඥ ධාතුන්වහන්සේලා මහජන පූජෝපහාරය සඳහා එම විහාරස්ථානයට වැඩම කරවීමට විහාරස්ථ දායක සභාව කටයුතු යොදා ඇති බව විහාරාධිපති පුජ්‍යපාද ගලගම හේමාලෝක නාහිමියෝ පවසති.
රත්නපුර දිස්ත්‍රික් ලේකම් සුනිල් කන්නන්ගර මහතාගේ ප්‍රධානත්වයෙන් රත්නපුර ප්‍රාදේශීය ලේකම් චිත්‍රා කෝට්ටෙවත්ත මහත්මියගේ සහභාගීත්වයෙන් පසුගිය දා දිස්ත්‍රික් ලේකම් කාර්යාලයේදී පැවැති සාකච්ජාවකදී ගනු ලැබූ තීරණය මත මේ මස 17 වැනි දින ප.ව.6.00 සිට 18 වැනි දා ප.ව.5.00 දක්වා සර්වඥ ධාතු ප්‍රදර්ශනය පැවැත්වෙන බව රත්නපුර දිස්ත්‍රික් අප මාධ්‍ය ඒකකය සඳහන් කරයි.
මෙම පුණ්‍යෝත්සවයට ආරක්ෂක ලේකම් ගෝඨාභය රාජපක්ෂ මහතා ප්‍රමුඛ සම්භාවනීය ආරාධිතයින් රැසක් සහභාගී වීමට නියමිතය.
ECB/ SW/NR/KM dmu_ratnapura
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
