පටු දේශපාලන අරමුණු ඉටු කර ගැනීම සඳහා රට පාවා දෙන්න එපා යැයි මා කුඩා දේශපාලන කණ්ඩායම්වලින් ඉල්ලා සිටිනවා. කාමරයක් ඇතුළට වී ජුන්ටාවකින් ව්‍යවස්ථාව සම්පාදනය කර ගැනීමට මම නම් අදහස් කරන්නේ නැහැ යැයි අග්‍රාමාත්‍ය රනිල් වික්‍රමසිංහ මහතා ප්‍රකාශ කරයි.

අපගේ සහෝදර ජනතාවගේ ආධ්‍යාත්මය සමඟ දැඩිව බැඳී පවතින තෛපොංගල් උත්සව දිනයේ ඔවුන් විසින් උතුරවන කිරි දියර සේ මනුෂ්‍යයින් වෙත මනුෂ්‍යයින්ගේ ආදරය ද, දැල්වෙන පහන් වැටි ඔස්සේ අඳුර දුරුවී සැබෑ සහජීවනයේ ආලෝකය ද විහිදයේවා යි ආශිංසනය කරන අතර ඔවුනට සුබ තෛපොංගල් දිනයක් වේවායි ප‍්‍රාර්ථනය කරන බව අදට යෙදී ඇති (15) තෛපොංගල් දිනය වෙනුවෙන් සුභාශිංසන පණිවුඩයක් නිකුත් කරමින් අතිගරු ජනාධිපතිතුමා අවධාරණය කරයි.