2011 ජනවාරි සිට 2015 ජනවාරි දක්වා කාලය තුළ නිවාස හා ඉදිකිරීම් අමාත්‍යාංශයේ සිදු වී ඇති වංචා,දූෂණ සහ රාජ්‍ය දේපළ අවභාවිතය සම්බන්ධයෙන් අමාත්‍යාංශය මට්ටමින් පරීක්ෂණයක් පවත්වන බව නිවාස හා ඉදිකිරීම් නියෝජ්‍ය අමත්‍ය ඉන්දික බණ්ඩාරනයක මහතා පවසයි.
නියෝජ්‍ය අමාත්‍යවරයා මේ බව සඳහන් කළේ, පාර්ලිමේන්තු මන්ත්‍රී වෛද්‍ය නලින්ද ජයතිස්ස මහතා අද (04) පාර්ලිමේන්තුවේ දී යොමු කළ වාචික ප්‍රශ්නයකට පිළිතුරු ලබාදෙමිනි.
මත්තෙගොඩ හා කහතුඩුව නිවාස යෝජනාක්‍රමයේ නිවාස ලබාදීම සම්බන්ධයෙන් වන පරීක්ෂණ සිදු වන බවත් නිවාස පවාරාගැනීම් සිදුකර ඇතැයි ද නියෝජ්‍ය අමාත්‍යවරයා පැවසීය.එමෙන්ම දිනපොත් හා දින දර්ශන මුද්‍රණය නිසා සිදු වූ අක්‍රමිකතාව සම්බන්ධයෙන් ද විමර්ශනයක් සිදුවන බවද නියෝජ්‍ය අමාත්‍යවරයා පැවසී ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
