මේ විද්‍යාලයේ නව පරිපාලන සංකීර්ණය හා මහින්දෝදය තාක්ෂණ විද්‍යාගාරය විවෘත කළ ජනාධිපතිතුමා ප්‍රතිසංස්කරණය කළ සී.පී. ද සිල්වා අනුස්මරණ රංග ශාලාව ද සිසු අයිතියට පවරා දුන්නේය.
පොලොන්නරුව රාජකීය විද්‍යාලයේ කීර්තිමත් ආදි සිසුවෙකු වන ශ්‍රී ලංකා නිදහස් පක්ෂයේ මහ ලේකම්, සෞඛ්‍ය අමාත්‍ය මෛත්‍රීපාල සිරිසේන මහතාගේ මැදිහත්වීමෙන් පූර්ණ ප්‍රතිසංස්කරණයකට විද්‍යාලය ලක් කර ඇති අතර ඒ සඳහා වැය කර ඇති මුදල රුපියල් ලක්ෂ 3200කි.
සොළොස්මස්ථානාධිපති පූජ්‍ය වෙඬරුවේ උපාලි හිමියන් ප්‍රමුඛ මහා සංඝරත්නය මෙහි වැඩම කර සිටි අතර අමාත්‍යවරුන් වන මෛත්‍රීපාල සිරිසේන, බන්දුල ගුණවර්ධන, දුමින්ද දිසානායක, නියෝජ්‍ය අමාත්‍යවරුන් වන සිරිපාල ගම්ලත්, චන්ද්‍රසිරි සූරියාරච්චි, පාර්ලිමේන්තු මන්ත්‍රී රොෂාන් රණසිංහ, පොලොන්නරුව රාජකීය විද්‍යාලයේ විදුහල්පති අයි.කේ.කේ. රවිලාල් විජයවංශ යන මහත්වරු මේ අවස්ථාවට එක්ව සිටියහ.
NDH/pmu
