අමාත්‍යවරයා මේ බව පැවසුවේ අද (05) පාර්ලිමේන්තුවේදී පාර්ලිමේන්තු මන්ත්‍රී තිස්ස අත්තනායක මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
2012 කෝප් වාර්තාව පෙන්වා දෙන පරිදි මහජන බැංකුව විසින් 1991-1995 කාලය තුළ ප්‍රදානය කර ඇති ණය ආපසු අයකර ගැනීමට නොහැකි වී ඇති නිසා ණය වර්ධනයේ අඩුවීමක් මත සමස්ත ලාභයේ අඩුවීමක් පෙන්නුම් කළ ද මහජන බැංකුවේ කිසිදු මූල්‍ය අර්බුදයක් නැතැයි ඔහු අවධාරණය කළේය.
ඒ කාලයේ ලබා දී ඇති ණය ප්‍රමාණය රුපියල් මිලියන 5518කි. ලබා දී ඇති මේ ණයවල සුරක්ෂිත බවක් නැහැ. බොල් ණය ලෙස මේවා අයකර ගැනීමට මහජන බැංකුව කටයුතු කරමින් සිටී. මේ වන විට මේ ණය ශේෂය රුපියල් මිලියන 5052 දක්වා අඩුකර ගැනීමට හැකි වී තිබේ. මේ සම්බන්ධයෙන් සාකච්ඡා සිදු කරන බවත් නීතිමය ක්‍රියාමාර්ග ගන්නා බවත් ඔහු වැඩිදුරටත් පැවසීය.
NDH/HC
