ශ්‍රී ලංකාවේ දැනට ලක්ෂ 27ක් යතුරු පැදිත් 850,000ක් ත්‍රීරෝද රථත් භාවිත කරන බවත් ඒ අනුව වසරින් වසර රටේ මැද පන්තියක් වර්ධනය වෙමින් පවතින බවත් ජ්‍යෙෂ්ඨ අමාත්‍ය හා මුදල් හා ක්‍රමසම්පාදන නියෝජ්‍ය අමාත්‍ය ආචාර්ය සරත් අමුණුගම මහතා පවසයි.
අමාත්‍යවරයා මේ බව පැවසුවේ අද (05) පාර්ලිමේන්තුවේදී පාර්ලිමේන්තු මන්ත්‍රී බුද්ධික පතිරණ මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
දැනට ක්‍රියාත්මක වන පරිදි මේ වාහන සඳහා බදු අඩු කළ නොහැකියි. සාධාරණ බද්ධක් මේ සඳහා දැනට අය කරමින් පවතී. මේ වාහන සඳහා ඉහළ ඉල්ලුමක් පවතින අතර මේ හා බැඳුණු ඍජු හා වක්‍ර රැකියා විශාල ප්‍රමාණයක් ද බිහි වී ඇතැයි අමාත්‍යවරයා සඳහන් කළේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
