දේශපාලන ක්ෂේත්‍රයේ යම් යම් අවස්ථාවල දූෂණ වංචා සිදු වන අතර එය එක් ආණ්ඩුවකට සීමා නොවන බවත් කොයි ආණ්ඩුව තිබුණත් දූෂණ සිදු වන බැවින් ඒ අයට නීතියෙන් කටයුතු කරන බවත් පළාත් පාලන හා පළාත් සභා අමාත්‍ය ඉන්දික බණ්ඩාරනායක මහතා පවසයි.
අමාත්‍යවරයා මේ බව පැවසුවේ අද (04) පාර්ලිමේන්තුවේදී පාර්ලිමේන්තු මන්ත්‍රී සජිත් ප්‍රේමදාස මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු දෙමිනි.
පළාත් පාලන ආයතනවල කටයුතු කරන මහජන නියෝජිතයන්ට ගෙවනු ලබන දීමනා වැඩි කරන්න කටයුතු කරනවා. එසේම ඔවුන්ට වැඩ කළ හැකි වාතාවරණයක් සකස් කරන බවත් ඉදිරියේදී කොට්ඨාස ක්‍රමය ගෙන ඒමට අපේක්ෂා කරන නිසා ඔවුන්ගේ කාර්යභාරය පහසු වන බවත් අමාත්‍යවරයා පෙන්වා දුන්නේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
