එහිදී ජනාධිපතිතුමා තාක්ෂණික පීඨය සඳහා මුල්ගල් තබමින් මෙම ජාතික වැඩපිළිවෙළ ආරම්භ කළ අතර මහින්දෝදය තාක්ෂණික විද්‍යාගාරයද සිසු අයිතියට පැවරිණි. විද්‍යාගාරයේ නිරීක්ෂණ චාරිකාවක නිරත වූ ජනාධිපතිතුමා සිසුන්ගේ අධ්‍යාපන කටයුතු පිළිබඳවද සොයා බැලීය.
අනතුරුව ජනාධිපතිතුමා විසින් විද්‍යාලයේ ගෘහස්ථ ක්‍රීඩාංගණය ද සිසු අයිතියට පත් කරනු ලැබීය.
අධ්‍යාපන අමාත්‍ය බන්දුල ගුණවර්ධන, නියෝජ්‍ය අමාත්‍ය මොහාන් ලාල් ග්‍රේරු, පාර්ලිමේන්තු මන්ත්‍රී තිලංග සුමතිපාල, බස්නාහිර පළාත් අමාත්‍ය උපාලි කොඩිකාර, අධ්‍යාපන අමාත්‍යංශයේ ලේකම් අනුර දිසානායක මහත්වරුන් ඇතුළුව විද්‍යාලයේ විදුහල්පතිවරයා ඇතුළු ආචාර්ය මණ්ඩලය, දෙමාපියන්, ආදි සිසුන් ඇතුළු විශාල පිරිසක් මෙම අවස්ථාවට එක්ව සිටියහ.
