තායිලන්ත රජ පවුලට අයත් රාජකීය විහාරස්ථානයක් වන බැංකොක් අගනුවර පිහිටි ඓතිහාසික අරූන් විහාරස්ථානයේ මෙන්ම එරට උතුරු ප්‍රාන්ත අනුනායක ස්වාමීන්ද්‍රයාණන් වහන්සේ වන අතිපූජ්‍ය පාරා ශ්‍රී සුටිවීට් අනුනායක ස්වාමීන්ද්‍රයාණන් වහන්සේ ඇතුළු තවත් ස්වාමීන් වහන්සේලා නම නමකගෙන් සැදුම් ලත් විශේෂ තායි බෞද්ධ දූත පිරිසක් ඊයේ (28) සන්ධ්‍යාවේදී අරලියගහ මන්දිරයේදී ජනාධිපති මහින්ද රාජපක්ෂ මැතිතුමා හමුවූහ.
එම අවස්ථාවේදී ජනාධිපතිතුමන්ට එම දූත පිරිස ආශිර්වාද පළ කර සිටි අතර, තායිලන්ත රජතුමා විසින් එවන ලද විශේෂ බුද්ධ ප්‍රතිමා වහන්සේ නමක් ජනාධිපතිතුමන්ට අනුනායක ස්වාමීන් වහන්සේ විසින් එහිදී තිළිණ කරන ලදී.
මෙම අවස්ථාවට ජනාධිපති ආගමික කටයුතු සම්බන්ධීකරණ ලේකම්, පූජ්‍ය වටිනාපහ සෝමානන්ද හිමියන් ද ශ්‍රී ලංකා ගුවන් සේවයෙහි කලාපීය කළමනාකරු ෂමින්ද පෙරේරා මහතා ඇතුළු පිරිසක් එක්ව සිටියහ.
ECB/PMU
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
