බාල පොහොර හා රසායනික ද්‍රව්‍ය හේතුවෙන් වකුගඩු රෝගය ශීඝ්‍රයෙන් රට තුළ පැතිර ගොස් ඇති බවට පිළිගන්නේදැයි එක්සත් ජාතික පක්ෂ පාර්ලිමේන්තු මන්ත්‍රී පී. හැරිසන් මහතා කළ ප්‍රකාශය කෘෂිකර්ම අමාත්‍ය මහින්ද යාපා අබේවර්ධන මහතා ප්‍රතික්ෂේප කළේය.
අමාත්‍යවරයා මේ බව සඳහන් කළේ අද (21) පාර්ලිමේන්තුවේදී පාර්ලිමේන්තු මන්ත්‍රී පී. හැරිසන් මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයක අතුරු ප්‍රශ්නයකට පිළිතුරු දෙමිනි.
රසායනාගාර තුනක පරීක්ෂා කර පොහොර බෙදාහැරීමේ කටයුතු කරන බව පැවසූ අමාත්‍යවරයා රසායනික ද්‍රව්‍ය වකුගඩු රෝගය සඳහා හේතු වන බව ලෝක සෞඛ්‍ය සංවිධාන වාර්තාවේ නිශ්චිතව සඳහන් කර නැති බවත් එම වාර්තාවේ දක්වා තිබූ කරුණු අනුව හේතුවක් විය හැකි බව පමණක් සඳහන් කර ඇති බවත් කීවේය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
