ශ්‍රී ලංකාවේ සන්නද්ධ හමුදාවල සියලුම සාමාජිකයන් දිවයිනේ සියලුම පරිපාලන දිස්ත්‍රික්ක තුළ සක්‍රීය සේවය සඳහා සේනාධිනායක, ජනාධිපති මහින්ද රාජපක්ෂ මැතිතුමා විසින් කැඳවනු ලැබ ඇති බව අද (20) පාර්ලිමේන්තුවට නියෝජ්‍ය කතානායක චන්දිම වීරක්කොඩි මහතා දැනුම් දෙන ලදී.
අද පාර්ලිමේන්තුව ආරම්භයේ දී ජනාධිපතිතුමාගේ නිවේදන යටතේ; ජනාධිපතිතුමා විසින් (40 වැනි අධිකාරිය වූ) මහජන ආරක්ෂක පනතේ 12 වැනි වගන්තිය යටතේ මෙම ප්‍රකාශනය නිකුත් කරන ලද බව නිවේදනය කෙරිණි.
ත්‍රස්තවාදය සහ යම් මහජන කැළඹීමක් වැළැක්වීම සහ මැඬ පැවැත්වීම පිණිස මෙම ප්‍රකාශනය නිකුත් කරන බව එම නිවේදනයේ සඳහන් වේ.
HC/NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
