පරිසර හිතකාමී කර්මාන්ත හා සේවාවන් දිරිගැන්වීම සහ ඇගයීමේ අරමුණින් මහින්ද චින්තන ඉදිරි දැක්මේ ජාතික පරිසර ප්‍රතිපත්තිය අනුව යමින් මධ්‍යම පරිසර අධිකාරිය විසින් වාර්ෂිකව සංවිධානය කරනු ලබන ජාතික හරිත සම්මාන උළෙල අද (12) ජනාධිපති මහින්ද රාජපක්ෂ මැතිතුමාගේ ප්‍රධානත්වයෙන් බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේදී පැවැත්විණි.
පරිසර හිතකාමී ක්‍රියාකාරකම් සඳහා දායක වූ ආයතන, ව්‍යාපාර, කර්මාන්ත වෙනුවෙන් හෝටල් ව්‍යාපෘති, කර්මාන්ත, පාසල් ආදී ක්ෂේත්‍ර නියෝජනය කරමින් රන්, රිදී හා ලෝකඩ වශයෙන් කාණ්ඩ 03ක් යටතේ සම්මාන ප්‍රදානය කිරීම මෙහිදී ජනාධිපතිතුමා අතින් සිදුවිය.
පරිසර හා පුනර්ජනනීය බලශක්ති අමාත්‍ය සුසිල් ප්‍රේමජයන්ත, අමාත්‍යංශයේ ලේකම් බී.එම්.යූ.ඩී. බස්නායක මහත්වරුන් ඇතුළු පිරිසක් මෙම අවස්ථාවට එක්ව සිටියහ.
DB/pmu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
