මෙරට මාළු ටින් කිරීමේ කර්මාන්ත ශාලාව ආරම්භයේ සිට 2014 අප්‍රේල් දක්වා කාලසීමාවේ මාළු ටොන් 1640ක් පමණ මාළු ප්‍රමාණයක නිෂ්පාදන කටයුතු සිදුකළ බව ධීවර හා ජලජ සම්පත් සංවර්ධන අමාත්‍ය රාජිත සේනාරත්න මහතා පවසයි.
අමාත්‍යවරයා මේ බව පැවසුවේ අද (09) පාර්ලිමේන්තුවේදී පාර්ලිමේන්තු මන්ත්‍රී රවී කරුණානායක මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරු වශයෙනි.
ලංකා ධීවර සංස්ථාව හා හැපී කුක් (Happy Cook)ආයතනය අතර ඒකාබද්ධව මේ නිෂ්පාදන සිදු කරයි. මේ වසරේ අප්‍රේල් මාසය දක්වා කාලය තුළ නිෂ්පාදිත මාළු ටින් ප්‍රමාණය 89,213,300ක් පමණ වේ.
එහිදී අගය එකතු කිරීම මත ගෙවන ලද දේශීය බදු ප්‍රමාණය රුපියල් මිලියන 150ක් බව ද අමාත්‍යවරයා සඳහන් කළේය.
HC/NDH
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
