අමාත්‍යවරයා මේ බව පැවසුවේ අද (08) පාර්ලිමේන්තුවේදී එක්සත් ජාතික පක්ෂ පාර්ලිමේන්තු මන්ත්‍රී සජිත් ප්‍රේමදාස මහතා විසින් වාචික පිළිතුරු අපේක්ෂාවෙන් අසන ලද ප්‍රශ්නයකට පිළිතුරුදෙමිනි.
ජාතික හා පළාත් එකඟතාව මත ඉංග්‍රීසි ගුරුවරුන් තුලනය කිරීමේ වැඩසටහනක් ක්‍රියාත්මක කෙරේ. මේ වන විට ජාතික පාසල්වල ඉංග්‍රීසි භාෂා ඉගැන්වීමේ ගුරු හිඟයට පිළියමක් ලෙස ඉංග්‍රීසි භාෂා උපාධිධාරීන් බඳවා ගත් බවත් තවත් කොටසක් බඳවා ගැනීමට සම්මුඛ පරීක්ෂණ පවත්වන බවත් අමාත්‍යවරයා පෙන්වා දුන්නේය.
පළාත් සභා මඟින් ද ඉංග්‍රීසි භාෂා ගුරුවරුන් බඳවා ගැනීමට කටයුතු කරන අතර අලුතින් ගුරුවරුන් 1000ක් බඳවා ගැනීමට පියවර ගෙන ඇත. ඉංග්‍රීසි ඩිප්ලෝමාධාරීන් ගුරු සේවයට එක් කර ගැනීම සඳහා අනුමැතිය ලබා ගැනීමට කැබිනට් පත්‍රිකාවක් ඉදිරිපත් කර තිබේ. ගුරු ව්‍යවස්ථාවට පටහැනිව මේ බඳවා ගැනීම් කළ යුතු නිසා කැබිනට් අනුමැතිය ඉල්ලූ බව ද අමාත්‍යවරයා වැඩිදුරටත් පැවසීය.
NDH/HC
