ජාතික වෘත්තීය පුහුණු මට්ටම් තුන (NVQ 3) සමත් ශ්‍රමිකයන් මැදපෙරදිග ගෘහ සේවයට යැවීම මඟින් ඇමරිකන් ඩොලර් 350ත් 400ත් අතර ස්ථිර වැටුපක් ලබාදීමට පියවර ගන්නා බව විදේශ රැකියා ප්‍රවර්ධන හා සුබසාධන අමාත්‍ය ඩිලාන් පෙරේරා මහතා පවසයි.
අමාත්‍යවරයා මේ බව පැවසුවේ අද (07) පාර්ලිමේන්තුවේදී එක්සත් ජාතික පක්ෂ පාර්ලිමේන්තු මන්ත්‍රී සජිත් ප්‍රේමදාස මහතා විසින් වාචික පිළිතුරු අපේක්ෂාවෙන් ඇසන ලද ප්‍රශ්නයකට පිළිතුරු දෙමිනි.
එම පිරිස ගෘහ පාලක සහයකවරුන් ලෙස විදේශගත කිරීමත් ශ්‍රමිකයන්ගේ සේවා සුරක්ෂිතභාවය ඇති කිරීමටත් කටයුතු කරන බව පැවසූ අමාත්‍යවරයා මැදපෙරදිග රැකියාවලට යන ආසියාවේ රටවල් එකමුතුවෙන් ශ්‍රමිකයන් වෙනුවෙන් නව ගිවිසුම් හා ප්‍රතිපත්ති සකස් කිරීමටත් සේවක සුබසාධන නැංවීමටත් ඉදිරියේදී පියවර ගන්නා බව කීය.
NDH/HC
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
