මෙම වල්ලාපට්ටා තොගය ඉන්දියාවේ චෙන්නායි නුවර බලා රැගෙන යාමට උත්සහ කළ ඉන්දීය ජාතිකයෝ දෙදෙනෙකු සහ ශ්‍රී ලාංකීයයෙක් මෙසේ කටුනායක ජාත්‍යන්තර ගුවන්තොටුපොළේදී අත්අඩංගුවට ගෙන ඇත. මේ සැකකරුවෝ වයස අවුරුදු 30,40 සහ 55 වියේ පසුවෙති.
මෙම වල්ලාපට්ටා තොගය සුද්දකර ඉස්‌තරම් ලෙස සකස්‌ කරන ලද බර කිලෝග්‍රෑම් 48ක පමණ ප්‍රමාණයකි. මෙම තොගය ඉන්දියාවට ගෙන ගොස්‌ එහි සිට සුවඳ විලවුන් නිෂ්පාදනය කෙරෙන පැරීසිය, අරාබිය වැනි රටවලට යැවීමට අපේක්ෂා කර තිබුණි.
සැකකරුවෝ ඊයේ (20) උදෑසන යු.එල්. 121 දරණ ශ්‍රීලංකන් ගුවන්යානයෙන් ඉන්දියාවේ චෙන්නායි නුවර බලා යාමට කටුනායක ගුන්තොටුපොළට පැමිණ ඇති බවත්, මෙම වල්ලා පට්ටා ගමන් මළු තුනක බහා රැගෙන යාමට උත්සහ කළ බවත් රේගු දෙපාර්තමේන්තුව පවසයි.
මේ පිළිබඳ විමර්ශන කටයුතු ගුවන්තොටුපොළ රේගු අධ්‍යක්ෂක දීපාල් සිරිබද්ධන මහතාගේ උපදෙස් මත ක්‍රියාත්මක කර ඇත.
ECB
