ජනාධිපති ආරක්ෂක සේනාවේ 8 වන සංවත්සරය නිමිත්තෙන් කොළඹ ගාමිණී මාතා වැඩිහිටි නිවාසයේ නේවාසික වැඩිහිටියන්ට ඇප උපස්ථාන කිරීමත් උදේ, දිවා හා රාත්‍රී ආහාර පිළිගන්වමින් වැඩිහිටි නිවාසය පිරිසිදු කිරීම ඇතුළු වැඩසටහන් රැසක් ඊයේ (19) සිදු කෙරිණි.
ජනාධිපති ආරක්ෂක සේනාවේ වත්මන් සේනාධිපති බ්‍රිගේඩියර් රවිප්‍රිය හා බ්‍රිගේඩියර් එච්.ඩී.ජී. රණසිංහ යන මහත්වරුන්ගේ මඟපෙන්වීම මත මෙය සංවිධානය කර තිබුණි. ජනාධිපති ආරක්ෂක සේනාව යටතේ රාජකාරී කරමින් සිටියදී මියගිය සාමාජිකයන්ට පිං අනුමෝදන් කිරීමටත් සේනාධිපතිතුමා ඇතුළු රාජකාරියේ යෙදී සිටින සියලු ම නිලධාරීන්ටත් ඔවුන්ගේ පවුල්වල සියලු දෙනාටමත් ආශිර්වාද පළ කිරීමටත් මේ වැඩසටහනේ දී පියවර ගෙන තිබුණි.
NDH/pmu_pix by Nishanka de Silva-pmu
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
