පළමු අදියරේ ඇගයීම් කටයුතු සඳහා පාසල් 10ක් සම්පූර්ණයෙන් වසා තබනු ඇත. දෙවන අදියර සැප්තැම්බර් 14 දා ආරම්භ කෙරෙන අතර 27 වනදා දක්වා ඇගයීම් කටයුතු සිදු කෙරේ. සම්පූර්ණයෙන් පාසල් 05ක් ද කොටසක් වසන පාසල් 17ක් තුළ ද ඇගයීම් කටයුතු සිදු කිරීමට නියමිතය.
උසස් පෙළ පිළිතුරුපත්‍ර ඇගයීම් කටයුතු සඳහා 21,000ක් පමණ පරීක්ෂකවරුන් යොදවා ඇතැයි ද විභාග කොමසාරිස් ජනරාල්වරයා කියා සිටියේය. මධ්‍යස්ථාන 59ක පාසල් 45ක ඇගයීම් කටයුතු සිදු කෙරේ. ඇගයීම් මණ්ඩප 843ක දී ඇගයීම් සිදු කෙරේ.
පහ වසර ශිෂයත්ව විභාගයේ ඇගයීම් ඊයේ (26) ආරම්භ වූ අතර මධ්‍යස්ථාන 35කදී ඇගයීම් කටයුතු සිදු කරනු ඇත. ශිෂ්‍යත්ව විභාගයේ ඇගයීම් කටයුතු සඳහා පරීක්ෂකවරුන් 5,796ක් යොදවා ඇති අතර පාසල් 34ක මණ්ඩල 328දී ඇගයිම් කටයුතු සිදු කෙරේ. විභාග දෙකෙහිම ඇගයීම් කටයුතු සිදු කරන කාලය තුළ ඇගයීම් සිදු කිරීමට අවශ්‍ය සියලු කටයුතු යොදා ඇතැයි ද විභාග කොමසාරිස් ජනරාල්වරයා වැඩිදුරටත් පැවසීය.
NDH
