කොරෝනා වෛරසය පැතිරයෑමේ අවධානමට මුහුණ දී සිටි චීනයේ වුහන් නගරයේ රැදී සිටි ශ්‍රී ලාංකික සිසුන් ඇතුළු පිරිස ආරක්ෂාකරීව ශ්‍රී ලංකාවට රැගෙන ඒමේ මනුෂීය මෙහෙයුමට දායක වූ ශ්‍රී ලංකන් කාර්ය මණ්ඩලයට ජනාධිපති ගෝඨාභය රාජපක්ෂ මහතා සිය ප්‍රසාදය පල කොට තිබේ.
ජනාධිපතිතුමාගේ විශේෂ ආරාධනය අනුව ඔවුහු අද (03) දහවල් ජනාධිපති කාර්යාලයේ දී ජනාධිපතිතුමා හමුවිය. එහිදී ඔවුන් සමඟ භෝජන සංග්‍රහකට ද ජනාධිපතිවරයා එක් විය.
කොරෝනා වෛරසය පැතිරයාම නිසා වසා දැමුණු වුහාන් නගරයට පිවිස එහි සිටි ශ්‍රී ලංකික සිසුන් සිය රටට රැගෙන ඒමට ජීවිත අවදානම නොතකා ස්වෙච්ජාවෙන් ක්‍රියා කළ ශ්‍රී ලංකන් ගුවන් සේවයේ කාර්ය මණ්ඩලය ලෝකයේ විෂේෂ අවධානයකට ලක් වූ අතර මෙම වීර ක්‍රියාව සම්බන්ධයෙන් ජනතාවගේ ප්‍රසාදය ද හිමිවිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
