මේ වන විට වැසි තත්වයේ යම් අඩුවීමක් අපේක්ෂා කළද දිස්ත්‍රික්ක 9 ක ආපදා තත්වයක් ඇතිවී ඇති බව ආපදා කලමණාකරණ මධ්‍යස්ථානය සදහන් කළේය.පසුගිය දින කිහිපය ඇතුළත දිවයිනට ලැබුණු දැඩි වර්ෂාපතනය හේතුවෙන් කළුතර,කෑගල්ල,ගාල්ල සහ මාතර යන දිස්ක්‍රික්කයන්හි නායයෑමේ අවදානමක් මතුව ඇති බවත් එම ප්‍රදේශ සදහා නායයෑම් පූර්ව අනතුරු ඇගවීම්ද නිකුත් කර ඇති බව ජාතික ගොඩනැගිලි පර්යේෂණ මධ්‍යස්ථානය පැවසීය.වර්ෂාවෙන් පීඩාවට පත් පවුල් හට ප්‍රදේශයේ ග්‍රාම නිළධාරීවරයා හරහා ප්‍රාදේශීය ලේකම් කාර්යාල මගින් සහනාධාර ලබාදීමටද කටයුතු කර ඇති බව ආපදා කලමණාකරණ අමාත්‍යාංශය සදහන් කළේය.
පැවති අධික වර්ෂාව හේතුවෙන් ගිංගග,නිල්වලා ගග සහ අත්තනගලු ඔයෙහි වැඩිවී තිබූ ජල මට්ටම මේ වන අඩුවෙමින් පවතින බව වාරිමාර්ග දෙපාර්තමේන්තුව නිවේදනය කළේය.වර්ෂාව සහ නායයාම හේතුවෙන් මේ වන විට වාර්තා වී ඇති මරණ සංඛ්‍යාව එකක් වන අතර තවත් පුද්ගලයන් සය දෙනෙකු අතුරුදන්ව ඇති බව ආපදා කළමනාකරණ මධ්‍යස්ථානය සදහන් කළේය.
