රාමසාන් සමය වෙනුවෙන් මුස්ලිම් ප්‍රජාව වෙනුවෙන් බෙදාදීමට මෙවර රටඉඳි මෙට්රික් ටොන් 250ක් ඩුබායි, සෞදි යන රටවලින් ලක්සතොස හරහා ආනයනය කර දිවයිනපුරා බෙදා හැරීමට කටයුතු කළ බව මුස්ලිම් ආගමික කටයුතු සහ සංස්කෘතික කටයුතු දෙපාර්තමේන්තුවේ අධ්යක්ෂ එම්.එච්.එම්. ෂමිල් මහතා රජයේ නිල පුවත් වෙබ් අඩවියට පැවසීය.
මේ වන විට දිවයිනේ සෑම දිස්ත්‍රික්කයක ම ප්‍රධාන මුස්ලිම් පල්ලි සහ සම්බන්ධීකාරකවරුන් වෙත රටඉඳි බෙදාදී අවසන් බව පැවසූ අධ්‍යක්ෂවරයා තවදුරටත් පැවසුවේ, සෑම මුස්ලිම් ජාතිකයෙකු වෙතම මෙම රටඉඳි බෙදාදීම රජයේ අපේක්ෂාව වන බවත්, ඒ අනුව ඉදිරි දින කිහිපය තුළ බෙදාහැරීම අවසන් කළ හැකි වන බවත්ය.
ECB
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
