මෙහිදී ශ්‍රී ලංකාවේ සෞඛ්‍ය ක්ෂේත්‍රයේ සංවර්ධනය සදහා වත්මන් රජය ගෙන ඇති ක්‍රියාමාර්ග පිළිබදව සෞඛ්‍ය අමාත්‍යවරයා නවසීලන්ත නියෝජිත පිරිස දැනුවත් කළේය.
ඖෂධ වර්ග 48 ක මිල අඩු කිරිම, බෝනොවන රෝග පාලනය, දුම්කොළ බද්ද සියයට 90 දක්වා වැඩි කිරිම, ස්ටෙන්ස් හා අක්ෂි කාච ලබාදීම වැනි කරුණු ඊට ඇතුළත් වෙයි. දුම්කොළ සදහා සියයට 90 ක වැඩිම බදු ප්‍රතිශතයක් පැනවීමෙන් දියුණු රටවලට වඩා ශ්‍රී ලංකාව ඉදිරියෙන් සිටින බව නවසීලන්ත ආහාර සුරක්ෂිතතා අමාත්‍යවරයා මෙහිදී ප්‍රකාශ කළේය.
ආහාර සුරක්ෂිතතාවය සදහා ශ්‍රි ලංකාවේ දරුවන්ට ත්‍රීපෝෂ ලබාදීමෙි වැඩසටහන සහ ප්‍රතිශක්තීකරණ වැඩසටහන් පිළිබදව ද සෞඛ්‍ය අමාත්‍යවරයා මෙහිදී කරුණු පැහැදිළි කළේය.
