ඉන්දුනීසියාවේ ජකාර්තා හි මාර්තු 06 වන දින, පැවැත්වූ ඉන්දියානු සාගර වටද්දර සංගමයේ 20 වන සංවත්සරයේ අමාත්‍යවරුන්ගේ රැස්වීමට විදේශ කටයුතු අමාත්‍ය, මංගල සමරවීර මහතා සහභාගීවෙමින් මේ බව පවසා තිබේ.
“සාමකාමී ,ස්ථාවර හා සෞභාග්‍යමත් ඉන්දියානු සාගර කලාපයක් සඳහා වූ සමුද්‍රීය සහයෝගීතාව ශක්තිමත් කිරීම” යන තේමාව යටතේ මෙම රැස්වීම පවත්වනු ලදී.
ඉන්දියානු වටද්දර සංගමයේ අනාගත වැඩ කටයුතු පිළිබඳ සාකච්ඡාවේදී කථා කරමින්, කැපවීම් සහ අනාගත දිරිගැන්වීම් සඳහා දේශපාලන නායකත්වය ලබාදීම මඟින් වැදගත් භූමිකාවක් රඟ දැක්වීමට ඉන්දියානු වටද්දර රටවල සංගමයේ නායකයින්ගේ අඛණ්ඩ සහභාගිත්වය ශ්‍රී ලංකාව බලාපොරොත්තු වන බව අමාත්‍ය මංගල සමරවීර මහතා විසින් හුවා දක්වන ලදී.
එය වඩාත් සාධනීය අයුරින් විවිධ මට්ටම්වලදී කොටස්කරුවන් සමඟ සම්බන්ධවීමට ඉන්දියානු වටද්දර සංගමය මහෝපකාරී වන අතර එමගින් සාමාජික රටවල් අතර අන්තර් ක්‍රියාකාරිත්වය හා සහභාගිත්වය වැඩි වැඩියෙන් දිරිගැන්වීම සඳහා යාන්ත්‍රණයන් සොයා බැලීමට හැකිවෙනු ඇති බවද අමාත්‍යවරයා ප්‍රකාශ කර සිටියේ ය.
